لا حول ولا قوة إلا بالله تشوه وجه وفاء سالم بسبب عمليات التجميل شاهد آخر صورة لها. لقد تحدثت الفنانة وفاء سالم، عما أدى إلى التشويه الحادث في وجهها. حيث أكدت أن السبب وراء ذلك عمليات التجميل التي خضعت لها في أوقات سابقة.
وفاء سالم الفنانة : هذا ما حدث وأدى إلى تشوه وجهي
وقالت وفاء سالم، في مداخلة هاتفية لها أمس الخميس، مع الإعلامي عمرو أديب، مقدم برنامج “الحكاية” الذي يعرض عبر قناة “MBC مصر”: “اللي حصل إن أنا على مدار كذا سنة كنت اتعرضت لحقن وخيوط عند دكاترة أساميهم كبيرة جدًا ومشاهير وكنت كل مرة بروح لدكتور بيعملي حقن على أساس إن ده هيصلح لي العيب اللي حصل من الدكتور اللي قبله”.
وفاء سالم: الأعمال الفنية جعلتني أقوم بعمليات تجميل
وأضافت: “الأعمال الفنية اللي أنا كنت بشترك فيها كنت بتفرج على النتيجة أبص ألاقي عندي تشوهات في وشي والناس كانت مكسوفة تقولي وأصدقائي كانوا بيقولولي عندك خد غير الخد التاني.. فحتى كان أدائي مضايقني جدًا إزاي أؤدي كممثلة وأنا في تشوههات في وشي.. لغاية وصلت لمرحلة إن أنا خلاص مش عايزة أروح لأي دكتور لأن كل ما بروح لدكتور ودكاترة مشاهير بيقولولي إحنا مش هنقدر نتعامل مع الحالة دي عشان واصلة لمرحلة إن كان في حقن في المنطقة دي على فكرة أنا دلوقتي بوري وشي لحضرتك من غير أي فلاتر ومن غير أي ميك أب.. المناطق اللي هنا أغلب الأساتذة قالولي ما نقدرش ندخل لإنها مناطق أعصاب”.
وفاء سالم الفنانة: دكتور سمير غرابة هو الذي عالجني
وتابعت: “لغاية لما ربنا كرمني وقابلت دكتور سمير غرابة.. أنا مكنتش فاهمة لما قابلته حط إيده على الجزئية دي قالي إحنا محتاجين قبل ما نعمل عملية نعمل أشعة للمنطقة دي.. أنا مفهمتش.. لكن هو أكيد كان فاهم هو عايز إيه.. لما عمل العملية للأسف لقى صورهالي فيديو ورهالي فيه صديد واصل تقريبًا للشبكية والمخ.. يعني الحمد لله أنا ربنا أنقذ حياتي.. سيبك من وشي وشكلي سواء كنت همثل أو مش همثل دي بالنسبة لي المفروض تكون ثانوية بالنسبة للي حصلي الحمد لله إن أنا تجاوزت ده ودكتور سمير غرابة وصلني لمرحلة أنا بشكر ربنا لإن هو أنقذ حياتي فعلًا”.
